Mestreech de bis vaan miech
En al verandert de geziech
De bis en blijfs veur miech altied
M’n ierste leefde, zoonder spiet
Es iech staon op dien aw brögk
Daan kin iech Wiek haos neet mie trök
En loer iech nao de Zjeramiek
Weurt’t miech duzeleg vaan dee sjiek
Meh iech drej miech um en dao goddaank
Ragfien bij zonsoondergaank
Steis diech zoe heerlek aajd te zien
Soms get modern meh dat is mer sjien
En wat ouch mèt de Merret gebäört
Zoelang de Maos dien brögk nog käört
Blijfs diech veur miech toch zjus wie toen
lech haw vaan diech, iech kin niks draon doen
Mestreech de bis vaan miech
En al verandert de geziech
De bis en blijfs veur miech altied
M’n ierste leefde, zoonder spiet
De maaks ’t andere zoe leuk
Door hordes ederjaor bezeuk
Umrink door knakweurs en petat
Bekans ‘ne vreemde in m’n stad
En oppe Vriethof eder week
‘nen Houp gezoep ‘nen houp gekeek
Stinkende oto’s in ’n file
‘f Spaons Gouvernemint zoe gans fragile
Meh tösse de kèrke sjijnt ’t leech
Wie dat allein kint in Mestreech
En iech zouw ’t altied weer euverdoen
lech haw vaan diech, iech kin niks draon doen.
Mestreech de bis vaan miech
En al verandert de geziech
De bis en blijfs veur miech altied
M’n ierste leefde, zoonder spiet
Jao de bis nog altied sjoen
Meh de moos neet teväöl draon doen
De kins bès mèt get minder schmink
Neet altied dee briljante rink
Mèt dien aw tinte zwart en gries
Femilie vaan Luik en Paries
Liekenste op ’n jong begijn
Soms wouw iech d’ch weer veur miech allein
lech höb neet altied zoeväöl gebeid
Meh tösse dien kèrke wel gevrijd
Hopelek heel iech me fetsoen
lech haw vaan diech, iech kin niks draon doen
Mestreech de bis vaan miech
En al verandert de gezÌech
De bis en blijfs veur miech altied
M’n ierste leefde, zoonder spiet
Es de winter haos veurbij is
Meh nog evekes veur ’t mei is
Veul iech stèllekes hei vaan binne
’t Nui leve weer beginne
En bij ’t geluid vaan ’n trompöt
’t Zien vaan confetti in de göt
Al regent ’t of ligk de snie
lech dans achter eder hermenie
En es de boonte störm weer trèk
En iech höb doors tot ’t verrèk
Geef iech ‘m drei daog vaan ketoen
Wie ze dat in Mestreech nog doen
Mestreech de bis vaan miech
En al verandert de geziech
De bis en blijfs veur miech altied
M’n ierste leefde, zoonder spiet
© Will Wintjens